Zemjedělsko-gradžansko dviženje

**Zemjedělsko-gradžansko dviženje**
**BoerBurgerBeweging** **(BBB)**
Politična partija v Niderlandah

Ideologija	agrarizm, konservatizm
Vodž	Henk VermeerХенк Вермер
Prědsědatelj	Helma LoddersХелма Лоддерс
Založenje	1 novembra 2019
Členstvo	13.426 (1 januara 2024 g.)^[1]
Členi v Izbě deputatov	4 (iz 150)
Členi v Senatu	13 (iz 75)
Členi v Evroparlamentu	2 (iz 31)
Medžunarodna organizacija	Evropejska narodna partija
Mladežna organizacija	BBB Jong
Kolory partije	zeleny
Glavno sědališče	Smeenkhof 12-d, Colmschate, Deventer
Služebny vebsajt	boerburgerbeweging.nl

Zemjedělsko-gradžansko dviženje (nid.: BoerBurgerBeweging, BBB) jest pravičarsko-populistična, konservativna politična partija v Niderlandah, ktora prědstavjaje interesy seljanov i regionov vně Randstad’a. Ona byla založena 1 novembra 2019 žurnalistkoju Caroline van der PlasКеролајн ван дер Плас v času velikyh protestov seljanov protiv politikě tretjej vlady Marka Rutte.

V 2021 g. BBB učestvovalo prvy raz v parlamentarnyh izborah i dobylo jedin mandat, ktory zajela liderka partije, Caroline van der PlasКеролајн ван дер Плас; na prvo sobranje ona prijehala na traktoru.^[2] V provincialnyh izborah v marcu 2023 BBB dobyla najvyše čislo glasov iz vsih partij, osoblivo v provincijah DrentheДренте (33,4%) i OverijsselОверејссел (31,5%), čto dalo BBB 16 deputatov v senatu. Kratko potom, tri členi drugyh partij (JA21 i PVV), a takože jedna državna sekretarka iz CDA prisjedinili se k BBB. Jednakože v parlamentarnyh izborah novembra 2023 ne udalo se povtoriti toj uspěh; BBB dobyla samo 7 iz 150 mandatov.

Od 2 julija 2024 BBB učestvuje v pravičarsko-konservativnoj vladě premier-ministra Dicka SchoofaДика Схофа, prvopočetno v koalicijeju s PVV, VVD i NSC), ale poslě odhoda PVV (3 junija 2025) i NSC (22 avgusta 2025) iz koalicije samo s VVD.

20 fevruara 2026 Caroline van der PlasКеролајн ван дер Плас odstupila kako liderka partije, ale ostala v parlamentu. Novym liderom partije v parlamentu stal Henk VermeerХенк Вермер.^[3]

Rezultaty v izborah

Rezultaty BBB v parlamentarnyh izborah od 2021 g.
(čislo izbranyh deputatov v Vtoroj izbě, ktora imaje vsego 150 členov).

Iztočnik

↑ "Ledentallen Nederlandse politieke partijen per 1 januari 2024". Documentatiecentrum Nederlandse Politieke Partijen. 28 februara 2024.
↑ "BoerBurgerBeweging arriveert met de trekker bij de Tweede Kamer". Oost.nl (na niderlandskom). 18 mareca 2021.
↑ "Caroline van der Plas stopt als leider BBB, blijft wel Kamerlid". NOS.nl (na niderlandskom). 20 februara 2026.

**Politične partije v Niderlandah** smenšiti[pogled | besěda | izměniti]
Lěvičarske	DENK Partija truda (PvdA) Partija za životiny (PvdD) Socialistična partija (SP) Zelena lěvica (GL)
Centrične	Demokrati 66 (D66) Hristijansko-demokratičny poklik (CDA) Sojuz hristijanov (CU) VOLT 50PLUS
Pravičarske	Državno-reformatorska partija (SGP) Forum za demokraciju (FVD) JA21 Narodna partija za svobodu i demokraciju (VVD) Novy socialny kontrakt (NSC) Partija za svobodu (PVV) Zemjedělsko-gradžansko dviženje (BBB)

[1] "Ledentallen Nederlandse politieke partijen per 1 januari 2024". Documentatiecentrum Nederlandse Politieke Partijen. 28 februara 2024.

[2] "BoerBurgerBeweging arriveert met de trekker bij de Tweede Kamer". Oost.nl (na niderlandskom). 18 mareca 2021.

[3] "Caroline van der Plas stopt als leider BBB, blijft wel Kamerlid". NOS.nl (na niderlandskom). 20 februara 2026.

[1]

[2]

[3]