Zip
Zip (od ang.: zipper) je vidom mehaničnoj zapony, prěznačenoj za brzo sjedinjenje ili razjedinjenje tkaniny ili kože na dvě česti i obratno. Široko koristaje se v sučasnom oblečenju, galantereji i daže obuvi.
Konstrukcija
[praviti | praviti izvorny kod]Sostoji se iz dvoh tekstiljnyh tasm, na kojih v šahovnicovom redu sut zakrěpjene plastove ili metalične članky (podobne zubam). Sjedinjenje ili razjedinjenje proizvodi jezdec (slajder), dvigajuči se medžu tekstiljnymi tasmami.
Jestvujut razjedinjajeme i nerazjedinjajeme zipy, vodotesne zipy i tako dalje.
Historija
[praviti | praviti izvorny kod]
Ješče v 1851 lětu Elias HouЭлиас Хоу dostal patent na "avtomatičnu, bezprěryvnu zaponu za odědžu",[1] ale v tamtoj čas jego iznahodok ne našel sebe priměnjenja.
Mněvajut, že prvy prototip modernogo zipa je stvoril amerikanec Vitkomb Džadson (ang.: Whitcomb L. Judson), patentovavši jego 7. novembra 1891 lěta s nomerom 504038 kako "zaponku za obuv".[2]
Tuty iznahodok jest byl prědstavjeny publikě v 1893 lětu, ale ustrojstvo to ješče bylo velmi složito i vslěd tomu ne nadežno.[3] Slěd množstva reklamacij i kogda on jest praktično bankrotoval, Džadson prijemaje v biznes-partnery Gari Erla i Luisa Vokera. Voker so svojej strany privlěkaje kako glavnogo inženjera kanadca Gideona Sandbeka (ang.: Gideon Sundbäck). V rezultatu oni sut osnovali kompaniju, ktora musela dorabotati patent i izrabotati naležito proizvodno orudovanje. V lětu 1905 proizvodna mašina byla gotova, ale to ješče bylo dalěko od praktičnogo priměnjenja. Razočarovany v rezultatu, Džadson jest prědal kompaniju "Automatic Hook and Eye Company" Vokeru.
Slěd několikoh lět doskonaljenja, v 1913 lětu Sandbek izrabotyvaje novy model zipa i utvrdžaje tehnologiju na proizvodny proces.[4] Implementacija tutoj tehnologije se okazala sravniteljno težkym i dolgym procesom. Mnogo trudnostij se pojavjaje za nedověrje klientov k proizvoditelju, koje ješče pamětovali prvy opyt zapinanja zipa. S časom, jednakože, novy pristup se okazal pravilny i isty. Od lěta 1923 zip uže polučaje široko razprostranjenje.[5]
- Raznovidnosti zipov
Profilove i spiralove zip-zapony iz plasta
Metaličny (odlity zinkovy), profilovy plastovy i spiralovy zipy
Bezzubny zip na plastovom paketu
Blagodare zatolstenju v městu ostrogo izgybanja najlonovoj spirale obědvě strany spiralovogo zipa zahvatyvajut jedna drugu.
Iztočniky
[praviti | praviti izvorny kod]- ↑ US Patent 8540. Elias Howe, Jr.: Fastening for Garments & c. Data publikacije 25 novembr 1851
- ↑ US Patent 504038. Whitcomb J. Judson: Clasp locker or unlocker for shoes. Data publikacije 7 novembr 1891
- ↑ "Zipper History". AnsunMultitech. Bylo arhivovano iz iztočnika 8 julija 2012. Data dostupa: 22 junija 2012.
- ↑ Friedel, Robert (1996). Zipper: An Exploration in Novelty. W. W. Norton & Company. str. 94. ISBN 978-0-393-31365-9.
- ↑ Цип: история на продукти, съвети за употреба
Внєшње линкы
[praviti | praviti izvorny kod]- Tutoj članok imaje prěvod iz članka «Цип» v Vikipediji na bulgarskom (spis avtorov; dozvoljenje CC BY-SA 4.0).
- Tutoj članok imaje prěvod iz članka «Reißverschluss» v Vikipediji na němečskom (spis avtorov; dozvoljenje CC BY-SA 4.0).